..já gott ef ég reyni ekki að hafa þetta bara vikulega sem ég blogga eða svona nokkurnveginn, einn dag til eða frá.

Þetta blogg verður aðeins tileinkað fimleikum, þeir sem nenna ekki að lesa um þá geta sleppt þessari klausu sem kemur núna.. hehe

Stelpurnar í HM-1 eru á leiðinni á Evrópumót á morgun og ég bara get ekki hætt að svekkja mig yfir því að ég hefði átt að vera að fara með þeim. Mig langar svo ofboðslega að vera að æfa ennþá og ég veit ekki hversu oft á síðustu vikum ég hef komið heim með tárin í augunum eða grátandi eftir að hafa verið að fylgjast með þeim á æfingum. Þær eru ekkert smá duglegar og eiga það svo sannarlega skilið að vera að keppa fyrir Íslands hönd á þessu móti. Ég er ábyggilega frekar sjálfselsk að hugsa svona en mér finnst bara svo geðveikt ósanngjarnt að hafa verið bannað að gera einmitt það sem mér finnst langskemmtilegast að gera. Ég hef alltaf lagt meiri metnað í fimleikana en skólann, enda haft mikið meira gaman af fimleikunum en skólanum, hehe . Mig langar bara svo að finna tilfinninguna þar sem maður er að hlaupa að gera eitthvað krefjandi stökk, með einbeitinguna í botni og virkilega að reyna að ná stökkinu vel. Ég hata, hata, hata að geta ekki æft lengur og bíð bara eftir einhverjum töframanni sem getur komið og lagað mig og leyft mér að gera það sem ég vil mest. Það er svo geðveikt leiðinlegt og virkilega svekkjandi að vera hluti af einhverju en allt í einu vera það svo ekki en horfa á alla aðra vera það... Ég get eigilega ekki líst því almennilega en ég er bara svo sár! æj, væl væl..
Allavega, stelpur, gangi ykkur ótrúlega vel! Ég hugsa til ykkar!! 

Svo er náttúrulega kreppan, haaa? Í fyrsta skiptið á ævinni þá var ég mjög ánægð yfir því að eiga ekki marga marga peninga inná bankareikning. Ég finn samt alveg fyrir kreppunni, bílalánið mitt er búið að hækka um helming og einhvernveginn á ég voða takmarkaðan pening inná kortinu mínu. Alveg hreint óþolandi Ég er búin að lifa á banönum og skyrdrykkjum að heiman í skólanum og stefni að því næstu mánuðina, því samkvæmt fjárhagsáætlun minni fyrir nóvember, þá mun ég ekki eiga efni á mat né neinum öðrum munaði Það verður nú gaman!

Allavega, ég þarf að fara að lesa einhverja skáldsöguna, það er náttúrulega aldrei pása þar.. Svo ég segi þetta bara gott í bili  

Þangað til næst - Bergþóra fimleikalausa....  

ps. ég kann ekki að kópera myndir á þessari blessuðu tölvu til að setja inní bloggið.. ég er léleg ég veit.. þetta kemur fljótlega vona ég

VIÐBÓT!: ég er orðin "frænka" Tanja elskan er búin að eiga litlu sætu stelpuna sína! mánudaginn 20. október 2008, 20.10.08 Til hamingju elsku Tanja og Simmi!!! ;*

...ætli að það sé ekki rétt að nota frasann "long time no see" núna. sumarið var ekki tími blogga, það var bara of gaman og of mikið að gera  

ég hafði alltaf ætlað mér að byrja aftur þegar að skólinn byrjaði, en það er bara búið að vera svo vitlaust að gera hjá mér að ég hef bara ekki haft tíma til þess. eins og staðan er núna, þá er ég í 22 einingum og ætla að reyna að útskrifast um jólin. ég er í 19 í dagskóla og 3 í fjarnámi en 2 af þessum áföngum eru þannig að ég þarf að lesa 12 skáldsögur í öðrum og 8 í hinum, þannig að alltaf þegar ég á frí, þarf ég að lesa. svo er árekstur í töflunni hjá mér þannig að ég er í sálfræði og stærðfræði á sama tíma, sem þýðir að ég missi af 2 sálfræðitímum á viku og einum stærðfræðitíma og það er bara allt, alltof mikið. mér hefur hingað til tekist sæmilega að halda smáskipulagi á náminu, en fyrir vikið hef ég ekki hitt vini mína nema svona 2var sinnum síðan að ég flutti. semsagt, skólinn er að drekkja mér og ég er komin með skólaleiða.

fimleikarnir eru auðvitað í stundatöflunni, en því miður er ég bara að þjálfa. ég er að þjálfa 3 hópa, 10 klst á viku og það tekur alveg dágóðan tíma frá náminu, bæði æfingarnar og skipulag þar í kringum. ég er ekki nógu ánægð með það hvað ég get ekki lagt mig hundrað prósent í þetta, en því miður hef ég ekki fleiri klst í sólarhringnum til þess. ég er hætt að æfa, og finnst það ömurlegasta ákvörðun sem ég hef þurft að taka á ævi minni! ég held að það líði ekki einn dagur án þess að ég hugsi um það hvað ég sakna þess að vera að æfa og hvað ég myndi gefa mikið fyrir að geta það. málið er að ég má það ekki lengur, er komin með rof og skrið í hryggjarliði í bakinu, og skv. sjúkraþjálfara þá þýðir það að ef ég held áfram að æfa þá þarf ég að fara í aðgerð til að láta spengja á mér bakið, sem er víst ekkert rosalega þægilegt ;/ ég er líka með stanslausa, sára verki í bakinu svo ég get ekki hreyft mig meira en að labba, og þá ekki langa vegalengd í einu, óþolandi...

helgarnar mínar fara semsagt eigilega allar í það að vinna, nema þær sem ég fer norður að hitta Snæbjörn það er ekkert smá erfitt að vera svona langt í burtu, en ég get huggað mig við það að það eru bara 76 dagar þangað til að ég flyt þangað aftur og þá verður þetta strax allt annað líf.. og ódýrara  

anywho, þetta var bara svona smá update, ég ætla að reyna að blogga aðeins reglulega núna, bara til að fá smá tjáningarútrás og pásu frá lærdómi!

Þangað til næst - Bergþóra útskriftarnemi

nú er ég löngu komin heim frá útlandis og já Fjóla mín, ég er lifandi

sumarið komið og næstum farið aftur, alveg fáránlegt hvað þetta líður hratt! ég er rosalega sátt við vinnuna mína, þá sem eru með mér á vakt og bara hvernig þetta gengur allt fyrir sig, finnst vaktavinna rosalega ágæt. það eina sem er aðeins að trufla mig í lífinu mínu núna er það að bakið á mér virðist alveg vera að syngja sitt síðasta, ég á erfitt með að komast í gegnum vinnudaginn án verkjalyfja, sem ég hef btw aldrei viljað taka áður en nú kemst ég bara ekki hjá því.. skv. sjúkraþjálfa þá er ég með skakka mjaðmagrind, þegar að horft er aftan á hrygginn á mér, þá ætti hann að vera beinn en hjá mér er hann sikk sakk = hryggskekkja, þegar horft er á mig frá hlið þá ætti ég að vera í einhverjum bogum en þeir eru ekki til staðar hjá mér, svo er ég með engan sveigjanleika efst í bakinu og alveg neðst svo að allt álagið lendir á mjóbakinu og þess vegna eru 2 hryggtindar farnir að standa útúr hryggsúlunni. ég er líka búin að fara í röngtenmyndatöku en er ekki enn búin að fá útúr því svo nú er bara að bíða og sjá.

Kanarý var alveg ótrúlega mikið næs, hundrað milljón gamlingjar með okkur á hóteli og við Maríanna vorum svo arfaslakar þarna að við áttum það til að vera komin uppá hótelherbergi á undan þeim, haha. við afrekuðum engu að síður alveg slatta þarna, búa til spilastokk úr glasamottum og spila með honum, lesa 6 bækur, sóla okkur smá, versla eins og Íslendingar í útlöndum, borða ís í u.þ.b. öll mál (ég sá að vísu ein um það..), lenda á dauðasta þjóðhátíðardegi Kanarýeyja, eignast "vini" sem vissu ekki að væru vinir okkar, skíra kisur, brjóta ilmvatnsglas í búð, kíkja á diskótek, prufa alla drykkina sem hótelið bauð uppá og baaaaaara hafa það gútes alltaf gott að koma heim aftur, þó maður hefði kannski ekkert á móti því að hafa veðurfarið með sér á klakann.

ég er alltaf jafn léleg í að nota sumarið í að gera eitthvað gaman eins og útilegur og útihátíðir en ég er að vinna um versló og var líka að vinna núna um helgina. ég ætla samt að nota næstu helgi í að gera eitthvað gaman en þá er stefnan tekin á Selfoss city næstu fríhelgi eftir það er jafnvel útilega fyrirhuguð og svo styttist bara alveg skuggalega mikið í að ég flytji aftur á Selfoss.. í bili amk ég sé alveg fram á að fara aftur norður um áramótin eftir útskrift

jæja, nú nenni ég eigi meir... hey jú, bara 10 dagar í afmælið mitt, 16. júlí víííííí

Þangað til næst - Bergþóra afmælisstelpa!

ég er í tilvistarkreppu. ekki get ég verið í miðlífskreppu því ég er bara 18 ára. (reyndar gæti þetta verið miðlífskreppa því að ef að ég miða við "líflínuna" mína í lófanum mínum, þá er lífið mitt áreiðanlega hálfnað þarsem línan mín er ekki nema ca 3 cm á meðan allir aðrir hafa svona 10 cm langa línu.) að vísu veit ég ekki alveg hvað þetta orð "tilvistarkreppa" þýðir en mér finnst það samt lýsa því mjög vell hvernig mér líður þessa dagana. ég nenni engu. ég nenni ekki að vera unglingur, ég nenni ekki að vera fullorðin, ég nenni ekki að hafa tilfinningar, ég nenni ekki að ákveða hvað ég ætla að gera eða hvar ég ætla að búa eftir áramót, ég nenni ekki að hafa allt óskipulagt, ég nenni ekki að hafa ekki allt neglt niður og vita ekki nákvæmlega hvar ég hef fólk og hvernig hlutirnir eru. bloggin mín eru ein svartsýnissúpa þessa dagana, en ég ætla að leyfa mér að segja að það muni breytast, næsta blogg kemur sennilega ekki fyrr en ég verð komin heim frá Kanarý og þá verður komið sumar, ég búin að eiga vikulangt spjall um lífið við Maríönnu og hlutirnir vonandi aðeins farnir að skýrast hjá mér.

yfir í annað, frekar meira skemmtilegt! ég kláraði prófin í dag loksins. að vísu eru 10 dagar síðan að ég fór í síðasta próf á undan þessu, en prófið í dag var sjúkrapróf, svoleiðis að ég var löngu, löngu farin í sumarfrí í huganum. það var ekkert rosalega sniðugt þar sem metnaðurinn minn fyrir prófinu í dag var þess vegna algjörlega fyrir neðan öll mörk. ég reyndi að læra en mér var bara svo alveg sama að það var eigilega bara asnalegt. en fyrir utan prófið í dag er ég bara frekar sátt við einkunnirnar mínar, ég náði fyrir tilstilli kraftaverka að fá 8 í sögu og ég held að ég sé hamngjusömust með þá einkunn, þó hún sé ein af þeim lægstu. annars fékk ég:
 SAG 303, UTN 103 og JÓG 401 = 8, ENS 603, DAN 303, DAN 303 munnlegu og SÁL 403 = 9,  NÁT 103 = 10. svo er það bara 1 áfangi í sumarskóla og svo FSu næstu önn og klára þetta drasl hohoh..

annars hef ég voðalega fátt að segja held ég, líf mitt er ekki það fjölbreyttasta og áhugaverðasta þessa dagana. að vísu fór ég á DJ Palla um helgina og fannst ekkert smá gaman, hitti blindfulla vinnufélaga og hló og dansaði með þeim og endaði svo á að skutla öllum heim svo ég var ekki skriðin uppí fyrr en að verða hálf6, sem hefði svosem verið í lagi ef ég hefði ekki þurft að vakna rúmlega 2 og hálfum tíma seinna og skottast á Vorsýningu fimleikadeildarinnar. hún var að vísu mjög skemmtileg, við vorum fyrsta atriðið og gekk alveg ótrúlega vel eftir hana fór ég heim og ætlaði að læra en auðvitað steinsofnaði ég og fór svo að gera allt annað en að læra.. annars er það bara vinna, hangsa, sund, skokka, versla o.s.frv..

ég held ég láti þetta gott heita í bili.. neeema, ég man að ég var einu sinni alltaf með svona "líðandi stundar" dæmi.. ég ætla að gera það núna, uppá gannið..

lag líðandi stundar: sorry - buckcherry
setning líðandi stundar: "Don't ever give up if you still want to try, don't ever wipe your tears if you still want to cry. Don't ever settle for an answer if you still want to know. Don't ever say you don't love if you can't let go."
minning líðandi stundar: í tilefni af því að það er að koma sumar, held ég að það verði að vera sumarminning.. haha, ég held það verði þegar að ég og Fjóla fórum í einhvern rennibrautarör útá Spáni sem voru svona 90% halli, svo komum við báðar út í þvílíku lamasessi því við rákum okkur utan á rörin á leiðinni niður og vorum báðar með verki í olnbogunum og eitthvað. svo röltum við í smástund og allt í einu sá Fjóla helling af blóði á lærinu á sér og maganum og komst þá að því að hún hafði fengið sár á olnbogann í rennibrautinni og blóðið dreifðist ekkert smá hratt því hún var náttúrulega öll útí vatni.. haha þetta var alltof skondið móment, þurftum svo að fara að finna first aid og ehv.
mynd líðandi stundar:
nýja gæludýrið mitt, hann heitir snákasnarl og er algjört kelidýr

Þangað til næst - Bergþóra sumarstelpa

af hverju er ég ekki að læra? af hverju sit ég og blogga, þegar það eru ekki nema 8 og hálf klst þangað til ég fer í próf úr menningarsögu, SAG 303, sem ég kann ekki minnstu vitundarögn í? jú, af því að ég get ekki lært sögu. þegar ég var getin, hafa einhver náttúruöfl ákveðið að láta mig ekki hafa þann eiginleika að geta lært sögu. ég fékk semsagt bókstaflega engan áhuga á sögu og ekki möguleikann á því að læra hana. það hefur ekki reynt mér neitt sérstaklega vel í gegnum tíðina, þar sem einkunnir mínar í sögu hafa hingað til verið þær lægstu á prófaspjöldunum mínum SAG103 var 7, SAG 203 var 6 og ég stefni á að SAG 303 verði 5  ef ég næ, þá er ég sátt. ef ég næ ekki, þá get ég ekki útskrifast um jólin nema ég taki tvö áfanga í sumarskóla og ég nenni því ekkert, auk þess sem ég hef ekki áhuga á að læra sögu aftur! ekki er ég heldur búin að opna eina dönskubók en ég er líka að fara í dönskupróf á morgun. hvað er að mér?

ég er samt búin að komast að einu. ég er rosalega ekki tilbúin að verða fullorðin. síðan að ég kom norður og fór að vera alveg ein, er ég búin að fara rosalega niðurávið í sjálfstrausti og sjálfstæði. þegar ég var á selfossi og hafði pabba til að kippa mér niður á jörðina þegar að draumarnir mínir voru aðeins farnir að vera óraunhæfir eða til að styðja mig þegar ég fór að huga að einhverju sem honum fannst vit í, var ég alltaf tilbúin að finna eitthvað nýtt eða skemmtilegt til að gera, ég var alltaf að hugsa um að breyta eitthvað til og gera hitt og þetta og oftast nær gerði ég það án þess að spyrja kóng eða prest. pabbi var orðinn vanur því að fá ekki að ráða því sem ég gerði þó ég væri ekki orðin átján ára, að hann fengi bara að vita af því með fínum fyrirvara. eða yfirleitt fínum fyrirvara amk  ég var vön því að vera sjálfstæð, ég gerði það sem ég vildi og ég var alveg sæmilega sterk, að minnsta kosti á yfirborðinu, að minnsta kosti nógu sterk að mínu mati, ég höndlaði hlutina alveg. eftir að vera komin hingað norður og hafa ekki þetta öryggisnet (auðvitað er pabbi bara eitt símtal í burtu en þetta er samt viss áskorun) er ég orðin svo rosalega lítil í mér að mér finnst það bara fáránlegt. ég á erfitt með að taka ákvarðanir sjálf, mér finnst allt alveg rosalega yfirþyrmandi og ef ég lendi einhvers konar mótlæti, þá tekst mér yfirleitt að gera eitthvað miklu, miklu meira úr því en það er, líta á það sem ómögulegt verk og setjast bara niður og grenja. af því að það leysir alltaf allan vanda! ég er búin að komast að því að þetta er alls, alls ekki eitthvað sem ég hef áhuga á að halda áfram en það er bara mitt að koma þessu í lag. þetta er líka búið að bitna á fólkinu í kringum mig og það finnst mér eigilega verst. ég þarf bara að "finna sjálfa mig" og  byrja að taka á mínum málum.. and I'm gonna! eeen, fyrst eru það þessi ógeðslegu próf!

þangað til næst - Bergþóra hin djúpa

ps. ég hef yfirleitt látið það vera að "opna mig" svona og segja frá einhverju svona, einfaldlega vegna þess að ég hef ekki þorað því og í þau einstaka skipti sem ég hef þorað því þá hefur fólk bara orðið feimið og ekki þorað að segja neitt... eeen, allt er einhverntímann fyrst

..það er nú frekar slæmt þegar ég er ekki búin að fara hérna inná það lengi ég sé búin að gleyma notendanafninu en það kom á endanum!
ég er loksins komin með smá fréttir svo ég ákvað að blogga.. skyndilegi bloggáhuginn minn tengist því ekki hið minnsta að ég eigi að vera að læra fyrir lokapróf í sálfræði, því get ég (næstum) lofað

eftir smá diskúteringar við pabba, ákvað ég, að í staðinn fyrir að taka næstu önn í fjarnámi og 12 einingar í FSu eftir áramót, að taka einn áfanga í sumarskóla í sumar (UPP 103) og taka svo 24 einingarnar sem ég á eftir í FSu á næstu önn og útskrifast um jólin! þá get ég gert það sem ég vil eftir áramót, unnið eins og mo-fo og reynt að eignast pening, svo ég geti átt einhvern pening þegar ég byrja svo "sabbat-året" mitt, sem mun sennilega fara í einhvers konar útlanda oplevelse. : )

ég verð samt að viðurkenna eitt. alltaf þegar ég var í grunnskóla man ég að ég hugsaði "ég þarf ekki að ákveða hvað ég ætla að verða strax, ég á eftir allan framhaldsskólann, það hlýtur að koma þá..." ég man ég hugsaði líka "vá, það verður geðveikt fínt að vera búin með framhaldsskóla og geta gert hvað sem ég vil" en okei, nú er ég að verða búin með framhaldsskóla og það hræðir mig eigilega bara. ég hef ekki ennþá hugmynd um hvað mig langar að verða. ég var alltaf alveg staðráðin í að vera sálfræðingur, en núna uppá síðkastið hefur hugur minn flakkað á milli allra mögulega starfa og ekki auðveldað mér neitt, sjúkraþjálfi, hjúkka, sálfræðingur, blablabla. það eina sem ég veit er að ég vil vera í starfi sem er gefandi og fjölbreytt, ég meika ekki fjörtíu ár af skrifstofukompu og pappírsvinnu ég hef að vísu þarna eitt og hálft ár eftir útskrift, sem þýðir 2 ár í viðbót frá deginum í dag, til að ákveða mig, en það er samt rosalega óþægilegt að vera svona algjörlega úti að aka.. og það að ég geti "gert það sem ég vil" núna eftir hálft ár, það er ekkert svo gott held ég, því þá fer "fótfestan og reglusama rútínan" sem ég er í núna og ég þarf að finna mér eitthvað nýtt. erfitt val, ég þoli ekki að þurfa að velja, ég hata val! ég held ég hefði gott af því að hafa bara einhvern til að ákveða allt fyrir mig og segja mér hvað ég ætti að gera. eða hvað?

en ef ég tek nú bara eitt skref í einu.
skref eitt: sumarið: ég ætla að vera á Bautanum, það hefur enn ekki breyst, hehe. ég er hinsvegar búin að komast að því að allar stelpurnar sem ég hef verið að vinna með og er búin að kynnast, verða á vaktinni á móti mér svo ég mun bókstaflega ekki hitta þær boffs í sumar, sem mér finnst í meira lagi ömurlegt. ég verð bara að taka á honum stóra mínum og gera mitt besta í að reyna að kynnast stelpunum sem byrja á vaktinni minni en þeir sem þekkja mig ættu að vita að það er bara eitt það erfiðasta sem ég geri; að kynnast fólki!. í byrjun sumars eða 27. maí - 3. júní ætla ég að skreppa með Maríönnu systur til Fuerventura eða hvernig sem það er skrifað, á Kanarý og hafa það alveg ótrúlega afslappað og gott áður en sumar brjálæðið byrjar! yfir sumarið ætla ég svo að reyna að kíkja reglulega á Selfoss, fara á æfingar þar og hitta fólkið mitt og svo ætla ég að reyna að hafa smá gaman líka, útilegur og svona gaman, svo ég verði ekki að einhverju zombie - vinnuvélmenni!
skref tvö: í FSu (ef ég kemst inn þeas) ætla ég að fara í fimleikaakademíuna og reyna eins og ég get að nýta tímann frá 20. ágúst - 20. október til að koma mér í nógu gott keppnisform til að geta keppt með stelpunum á EM í Belgíu. ég er byrjuð að hlaupa aðeins, 6-8 km 4x í viku en ég er voða léleg í að byggja upp vöðva, svo ef einhver vill bjóða fram aðstoð sína í því, er hún vel þegin !
skref þrjú: já, það er nú það....

okei, þetta er orðið alveg skuggalega langt blogg en samt finnst mér ég hafa frá svo mörgu að segja.. segir mér bara að ég þarf að blogga oftar má vel vera að ég bloggi aftur eftir helgi, þegar ég á að vera að læra fyrir dönsku munnlegt eða skriflegt, sögu, náttúrufræði eða næringarfræði! (ég hata próf. kann einhver ráð gegn einbeitingarleysi? ég drekk ekki kaffi en er búin að stútfylla ísskápin af burn, magic og orku.. ojj)

en nú er próflestrarkakan mín farin að líta ansi vel inní ofni, svo ég ætla að fara að búa til krem og fínerí

ooooofsalega kósí

þangað til næst - Bergþóra prófastelpa

..drasl!! ég var búin að skrifa heljarinnar blogg en þá fór tölvan í fokk, ég hata þessa tölvu alveg dálítið mikið!

ég nenni ekki að blogga uppá nýtt....................... æ, jújú það hljómar betur en að læra, heh..

ég er orðin leigu-húsmóðir með "barn", ég tók að mér að búa í íbúðinni hans Hjálmars frænda núna í 5 daga á meðan að heimlisfólk skrapp til Barcelona. íbúðinni fylgir einn sérvitur, sætur köttur sem er góð lykt af og drekkur bara vatn úr grænu glasi. hann heitir Albert. ég fékk líka það hlutverk að sjá um besta vin Alberts, sem er gullfiskur og ég veit ekki hvað heitir en hann er þunglyndur og er alltaf á sama staðnum í búrinu sínu svo ég hef bara notað nafnið Mr. Depressed þegar ég tala um hann. (sennilega ekki til þess að lífga uppá tilveruna hjá honum að vera kallaður þetta en ég meina, er hann hvorteðer ekki búinn að gleyma þessu innan nokkurra sekúnda?) ég held að þetta verði fín vika, mér og Alberti kemur allavega mjög vel saman og ég held að það sé nú fyrir öllu!

lifið gengur annars sinn vanagang hjá mér, skóli, fjarnám, þjálfa og vinna, alltaf sama rútínan og mér finnst það bara alveg voðalega ágætt. ég er búin að fá prófatöfluna fyrir fjarnámið og er alveg rosalega hrædd um að það stangist á við dagskólann, ég er í sálfræði 403 prófi 2. maí og dönsku 303 prófi 6. maí. en það kemur svosem í ljós bara, það er alltaf hægt að redda því e-n veginn. á mið og fim í þessari viku eru svo opnir dagar í skólanum sem eru svipaðir og kátir dagar í fsu. hér er samt ekkert flóafár eða flóafársball, hér eru bara ekki haldin böll nema árshátíðarball hvaða leim skóli er þetta eigilega? hoho! allavega, ég er á leiðinni í fjallið á þessum opnu dögum að gera aðra tilraun á snjóbretti, svo ætla ég í lófalestur og e-ð bullumsull. voða fínt að brjóta upp skólarútínuna með svona e-u

ég er hætt við að fara til DK í sumar, sökum þurs. (þetta máltæki skilur Maríanna örugglega ein en jæja) ég á einfaldlega ekki pening þar sem hann virðist einfaldlega alltaf gufa upp um leið og hann kemur á reikninginn hjá mér og svo var fimleikahópurinn minn á Selfossi að komast inná evrópumót í október og mér var boðið að keppa með. mig langar það alveg rooooosalega og þá þýðir lítið að vera í DK í allt sumar. ég verð að vísu ekki á Selfossi í sumar, ég er búin að ákveða að vera á Bautanum og er alveg sæmilega sátt með það, þá þarf ég ekki að fara að læra allt uppá nýtt e-s staðar, kynnast nýju fólki o.s.frv... svo finnst mér líka bara svo fínt hér á Akureyri ég fæ samt alveg reglulega 3 daga frí á Bautanum og ætti þá að geta skotist á Selfoss á æfingar, svo hætti ég í kringum 20. águst, bruna á Selfoss og verð að æfa þar í 2 mánuði fyrir mótið, vona bara að það verði nóg

annars er bara alveg rugl lítið sem ég hef að segja, það er allt svo voðalega venjulegt. fór náttúrulega á Selfoss í páskafríinu, lág uppí rúmi í leti ca 70% af tímanum, borðaði páskaegg, rúntaði, fór 2x í bíó, á The Bucket List og Juno og fannst þær báðar mjög góðar! tókst að fá ælupest þegar ég ætlaði á æfingu og var ekki mjög sátt með það eeeeen.. that's life.

þangað til næst - Bergþóra húsmóðir


veit ekki alveg með þetta?

ps. þetta blogg var tileinkað Sigga og Sæla sem aldrei nenna að kvitta og ég vil líka benda á það að ég blogga oftar en mamma og þetta er skot!

já, þá er ég komin "heim" aftur, eftir heimsókn heim. haha helgin var alveg ótrúlega mikið góð, ég er allavega mjög sátt með hana. ég nenni ekki að segja e-r díteil, ætla að koma með smá punkta bara:

- fór á fimleikaæfingu sem mér fannst svoooo mikið gaman!! gekk alveg ágætlega og fann hvað ég sakna fimleikanna geðveikt mikið svo ég get ekki beðið eftir að byrja aftur! var að vísu með svo brjálaðar harðsperrur næstu 5 daga að ég gat varla gengið en það var svo sannarlega þess virði!

- fór til augnlæknis í von um að fá lesgleraugu þar sem ég er alveg hætt að sjá nokkuð í skólanum þegar kennararnir eru með skjávarpasýningar á glósum t.d.. fékk samt að vita að ég væri ekki með nógu slæma sjón ennþá en ætti að fylgjast með því hún myndi sennilega versna, sérstaklega ef ég væri mikið í tölvu og að lesa. (sem er pretty much það eina sem ég geri, haha) er allavega aðeins nærsýn eða fjærsýn, get aldrei munað þetta, er með mínus 0.25 öðru megin og mínus 0.5 hinu megin held ég

- fór á leiksýningu hjá mömmu, "Með táning í tölvunni" og vá, þetta er leikrit sem er hægt að mæla með! síðasta sýning á föstudaginn svo þeir sem hafa ekki séð þetta skulu endilega skella sér, það er hægt að lofa miklum hlátri og úrvals skemmtun! mér fannst það allavega, samt finnst mér alltaf smá kjánalegt að horfa á fjölskyldumeðlimi mína leika en ég tók ekkert eftir því í þetta skiptið. meira að segja hún Anna sem kom með mér og er sænsk, skemmti sér mjög vel og hló, þó hún hefði ekki skilið nema aðalplottið.

- ég dæmdi Bikarmótið í fimleikum á laugardaginn og það gekk ótrúlega vel, Selfoss HM-1 sem ég var að æfa með urðu í 2. sæti sem var frábært, þær stóðu sig ekkert smá vel! ég var rosa montin, híhí

- fór í ótrúlega góðan mat hjá mömmu á laugardagskvöldið og fékk einhver komment um að ég væri ekki mjög smekkleg við matarborðið, en ég meina kommon, ef bitinn sem maður fær sér er bara alltof alltof heitur, er þá ekki eina ráðið að taka hann aftur úr munninum, nema maður vilji brunasár á tunguna? ég hefði kannski mátt nota dannaðri aðferð en ég notaði en hey, that's just me.. haha. horfði svo aðeins á laugardagslögin þarna og guð hvað ég var ánægð að hey og ho lagið komst ekki áfram, mér fannst hún laglausari en ég veit ekki hvað og Gillzenegger er bara einn sá bjánalegasti. er sæmilega sátt með This is my life, er allavega mjög eurovision legt.

- svo var það þetta tíbíska bara, rúntinn, fara í bæinn, læra, hanga með pabba og kisa, hitta vinina og borða laugardagsnammi. fór reyndar 2x í bíó, á Untraceable sem var GEÐVEIK og ég mæli mikið með, ég var svo spennt að ég pissaði næstum á mig og á Step Up 2 sem var ágæt, fannst númer 1 samt svo mikið mikið betri. er líka nýlega búin að sjá Jumper sem var svona lala, stóð ekki undir væntingum og P.S. I Love You sem mér fannst góð, reyndar var ég kannski búin að gera mér aðeins of miklar vonir því ég var búin að heyra að hún væri svo sjúklega frábær en mér fannst hún bara svona frekar mikið góð

...annars er þessi vika bara skóli, vinna, vinna, vinna, próf og leiðindi svo ég er ekkert að hlakka neitt mikið til næstu 5 daga. en ég meina, horfa á björtu hliðarnar, ég verð vonandi rík og gáfuð fyrir vikið haha. ég held það sé ekkert markvert búin að ské síðan ég kom norður, bíllinn minn er drullugri en allt í heiminum en ég ætla að bíða fram á mánudag með að þrífa hann af því þá er ég búin að fá útborgað, hehe. ég datt í hálkunni í fyrradag og varð frekar pirruð en fannst það samt smá fyndið, vona bara að enginn hafi séð það en þetta var þegar ég var rétt komin yfir götuna fyrir framan skólann svo það er ekkert ólíklegt að það hafi einhver flissað aðeins af mér
en ég held ég láti þetta duga, er orðið ansi langt..

Þangað til næst - Bergþóra Selfyssingur


Einar, Siggi & ég á föstudaginn þegar ég kíkti fyrir utan FSu ballið, haha.. þeir aðeins í því og í góðum göllum og ég lít út fyrir að vera nýkomin úr jaxlatöku, er eins og hamstur haha

..að ég er ekkert búin að blogga, blogcentral systemið var í klessu og þegar það loksins komst í lag þá hafði ég ekki tíma eða nennu til að blogga :/ en hér kemur allavega eitthvað, þó það sé frekar ómerkilegt!

það er alveg eitthvað búið að gerast síðan í síðasta bloggi, svona í stuttu máli þá er mér t.d. búið að takast að detta í hálkunni, sem skildi eftir sig 2 sár, - á lærinu og úlnliðnum, og rifnar buxur ég var ekkert rosalega sátt en svona er ég bara. ég lakkaði líka táneglurnar á mér rauðar til að fela risastóra marbletti sem ég er komin með á báðar stóru tásu neglurnar, ég komst ekki suður vegna ömurlegs veður og vitleysu og var ekkert rosalega sátt með það, ég er búin að vinna dáldið, ég er búin að vera í skólanum, fara á Sweeney Todd í bíó sem komst ekki á vinsældalistann minn, horfa á Moulin Rouge í fyrsta skipti sem komst klárlega á vinsældalistann minn, gleyma að skila inn verkefnum í fjarnáminu, fara til spákonu sem var ansi mikið mögnuð og snerti viðkvæmu hliðarnar mínar það rækilega að ég var 4x næstum farin að hágráta, missa bókina sem ég var að lesa í baði ofan í baðið og áreiðanlega eitthvað meira óáhugavert

ég ætla að gera aðra tilraun til að fara suður á fimmtudaginn næsta, það er nefnilega frí á föstudaginn í skólanum og ég er bara í einum tíma á fimmtudaginn sem ég ætla að gleyma að mæta í, svo ég geti lagt af stað kl 9 um morguninn og mætt á fimleikaæfingu kl 4 á Selfossi, vá hvað ég hlakka til, sjá nýja húsið og hitta stelpurnar aftur! á laugardaginn er svo Bikarmót á Selfossi sem ég er að fara að dæma á en það er það eina sem er planað hjá mér um helgina, svo er það bara að hitta vini og fjölskyldu og hafa það svo gott og gaman!

tölvan mín er orðin svo mikið full af vírusum að ég er hætt að geta gert nokkuð skapaðan hlut, hún er korter að opna netið og fer ekki nærri alltaf á blog.central síður, á mæspeis get ég ekkert gert lengur nema skráð mig inn, get ekki kommentað eða neitt slíkt, ef ég opna fleiri internet glugga en einn þá lokast allt og fer í klessu og ég veit ekki hvað og hvað. ég veit eigilega ekki alveg hvert ég á að snúa mér í þessu máli þar sem ég kann ekkert á svona tölvumálum og ég má ekki missa tölvuna frá mér of lengi í viðgerð því ég þarf að gera öll fjarnámsverkefnin í henni ves jájá!

haha, ég gúglaði "Bergþóra" og þetta var ein af myndunum sem kom upp:

ég og Fjóla Dögg góðar með dönskuverðlaun í 10. bekk hahaha!
en ég verð að hætta, ég þarf að pissa..

Þangað til næst - Bergþóra vírusgörl

ps. Hvernig gat ég gleymt þessu??
18. febrúar - Maríanna systir 26 ára,
19. febrúar - Mamma fimmtug
Til hamingju báðar tvær :*!!

Já, febrúar kominn og þá verður nú allt miklu skárra, janúar er svo leiðinlegur mánuður eitthvað hehe..

Bíllinn minn gerði uppreisn gegn mér í síðustu viku, það fraus e-ð inní svissinum og ég gat ekki snúið lyklinum þegar ég var búin að setja hann í svissinn. Ég reyndi svona hundrað sinnum og var á góðri leið með að brjóta lykilinn þegar ég gafst upp og fékk far heim. Ég fékk svo hjálp við að koma honum í gang, en það þurfti að hita lykilinn með kveikjara og láta heitan lykilinn svo hita svissinn og bræða frosna blettinn, mjög skemmtilega langdregið verk Frostbletturinn fraus svo auðvitað aftur og ég lenti í þessu ca 3 x í viðbót en var þá alltaf með kveikjarann til taks og gat reddað mér. Auðvitað er ég líka búin að festa mig 2x, en er orðin svo pro í að keyra í snjó að ég hef alltaf náð að losa mig eftir smástund ! Ofsa gaman..

Annars er eigilega ekkert að frétta af mér, ég er farin að mega gera þrek og svona og er byrjuð á því, að vísu verð ég öll bólgin og hörð og aum eeeeeeeen það er öllum sama svo ég nenni ekki að spá í því ég ætla bara að harka af mér þangað til ég hætti að finna til, verð háð verkjalyfjum eins og House eða rifna í sundur og fæ kviðslit!

Ég var ekki hefðarkona í gær, ég eldaði mér ekki saltkjöt og baunir, alls ekki vegna þess að mér finnst það vont, heldur einfaldlega vegna þess að mér er alveg sæmilega annt um fólkið sem býr í þessari blokk og nágrenni hennar og vil ekki að þau láti lífið úr reykeitrun vegna mín Ég ákvað í staðinn að fá mér bara brauðstangir, hollt og gott og mjög í anda sprengidagsins!! Ég klikkaði líka á grímubúningnum í dag, var að vísu í þjónadressinu frá 5-11 svo ég get þóst hafa verið að leika þjón..

Vá, ég hef alveg rosalega mikið ekkert að blogga um, vildi bara ekki missa þetta ágæta bloggról sem ég var komin á! .. Ég er að fara á Gettu Betur á föstudaginn þar sem FSu ætlar að taka MA í nefið (you better!!) og svo fæ ég far með FSu rútunni heim á Selfoss, verð komin á Selfoss svona 5 leitið kannski og á að vera mætt í Kópavog eða Mosfellsbæ eða eitthvað rétt fyrir kl 10 á laugardagsmorguninn, í dómarahlutverkinu og þá bíða mín alveg hellings hellings fimleikar jeyyy!! Um kvöldið er svo stefnan að fara í bústað með fríðu föruneyti og ég hlakka svo mikið til að ég næ ekki andanum þegar ég hugsa um það..

Okei þetta var alveg rosalega leiðinlegt blogg, ennnnnnnn allavega eitthvað!

hahaha, krútt!!

Þangað til næst - Bergþóra Selfossmær

ps. ég þurfti að flytja fyrirlestur í sögu í dag um Aristóteles og áhrif hans á vestræna menningu og helstu kenningar hans.. ég skalf svo mikið að ég gat ekki haldið á blaðinu og lesið það, heldur þurfti ég að leggja það á borð fyrir framan mig og lesa það, svo að sjálfsögðu roðnaði ég eins og strútur að kafna.. ég elska að vera feimin!!

..að blogga þessa dagana!

Það er svosem ekkert að frétta, rannsakaði aðeins næturlíf Akureyrar um helgina og fannst það bara svona líka glimrandi gott, skemmti mér allavega mjög vel ! Var alveg í fríi um helgina svo dagarnir fóru bara í það að sofa, hanga í tölvunni, lesa og borða laugardagsnammið langþráða haha..

Mér er náttúrulega búið að takast að gera smá klúður síðan í síðasta bloggi, það er ekki við öðru að búast Ég fór semsagt á rúntinn í gær og þegar ég var svo að keyra heim, opnaði ég gluggann því mér varð eitthvað ofurheitt. Ég kom svo að bílnum í morgun og þá var glugginn ennþá opinn, alveg 10-15 cm rifa á honum, sem væri svosem ekki frásögufærandi nema af því að það var heljarinnar skafrenningur í nótt og bíllinn var á KAFI Í SNJÓ að innan! Ég vissi eigilega ekk hvort ég ætti að hlæja eða gráta, en opnaði hurðina og fór að reyna að dusta skaflinn sem var í bílstjórasætinu og svo næsta skafl sem var á mælaborðinu, annan á hurðaropnaranum og þar, allt í snjó hjá miðstöðinni og útvarpinu o.s.frv. Þetta tók alveg ágætistíma og til að bæta ástandið, var snjórinn á mörgum stöðum frosinn og ég þurfti að skafa bílinn, að innan  Ég tók það mesta og leyfði svo restinni að bráðna þegar bíllinn hitnaði. Sætið varð náttúrulega alveg ágætilega blautt og ég þar af leiðandi rassblaut þegar ég fór að tala við yfirmanninn minn í vinnunni Ég held ég reyni að muna eftir að loka glugganum hér eftir.....

minn var sem betur fer ekki svona slæmur samt !

 

Annað sem ég er búin að vera að lenda í veseni með, er hvað ég er óendanlega utan við mig! Sem dæmi um það, fór ég útí búð um daginn, bara í þeim tilgangi að kaupa mér morgunkorn. Þegar ég var svo komin aftur útí bíl eftir búðaferðina, áttaði ég mig á því að ég hélt á mjólkurfernu, en hafði gleymt að kaupa morgunkorn! Gaman að segja frá því að fyrr um daginn keypti ég einmitt 2 lítra af mjólk svo nú átti ég allavega nóg af henni!

Svo var ég að smyrja mér hrökkbrauð um daginn og ákvað að fá mér vatn með. Ég skrúfaði frá vatninu til að kæla það og á hélt áfram að smyrja. Svo hugsaði ég með mér ,,Vá, þetta er ekkert smá pirrandi hljóð í vatninu" og skrúfaði fyrir, án þess að fá mér vatn áður...

Ég lenti líka í því um daginn að ég ætlaði að stökkva niður á klósett því ég var alveg að pissa í mig! Þegar ég kom niður á klósett, var ég hinsvegar búin að steingleyma hvað ég ætlaði að gera, ákvað að hengja bara uppúr vélinni og rölti svo aftur upp.. og fattaði þá auðvitað að ég hefði gleymt að pissa og hentinst aftur niður

Nú ætla ég hins vegar að leggja mig, þar sem ég lá andvaka í alla andsk***** nótt!! Ég náði að dotta á milli ca hálf5 og hálf6 og korter yfir6 og korter yfir7 en annars lá ég bara og glápti útí loftið og bölvaði yfir að geta ekki sofnað. Ef einhver er með góð ráð við svefnleysi, má hann endilega láta mig vita..!

Þangað til næst - Bergþóra andvaka freðhaus!

 

 

     Það hafa áreiðanlega allir einhverntímann fengið sár. Ef það er einhver sem hefur aldrei fengið sár, þá þætti mér gaman að fara á námskeið hjá viðkomandi í "Hvernig á að komast í gegnum daginn án þess að meiða sig", - held ég hefði alveg gott af því
     Stundum rekur maður sig bara í eða eitthvað og fær sár eftir það, en stundum getur fólk meitt mann, viljandi eða óviljandi og maður fær sár eftir viðkomandi.Sár geta verið rosalega misjöfn, djúp, grunn, stutt, löng, munsturslaga og hvaðeina. Þegar maður fær lítið sár eða skrámu, tekur maður yfirleitt bara tissjú og þurrkar blóðið og þar með er það búið. Ef sárin eru svona sæmileg, getur maður þurft plástur en ef þau eru stór, þarf maður oft að fara til doksa og fá hjálp til að láta þau gróa rétt.
     Þegar ég fæ sár, stenst ég sjaldnast freistinguna að kroppa í þau og þá gróa sárin yfirleitt frekar seint og hægt og stundum (nánst undantekningarlaust í mínu tilfelli) skilja þau eftir sig ör sem fylgja manni "um aldur og ævi". Mér er yfirleitt alveg sama þó að ég fái sár, ég segist hvort eð er vera að safna örum (sem er að vísu ekki satt, en gæti alveg verið það, miðað við hvað ég á þau mörg).
     Staðsetning sáranna er samt eitthvað sem getur skipt máli. Mér er allavega meira sama þó að ég fái sár á hnéð heldur en á nefið eða eitthvað álíka áberandi. Einn staður er samt allra verstur. Mér finnst allavega langverst að fá sár á hjartað. Þau sár virðast einhvern veginn vera miklu lengur að gróa heldur en hin og mér tekst alltaf að rífa þau upp aftur og aftur, án þess að ætla mér það...

 

þessi tók sárinu sínu með bros á vör og setti bara plástur

-----------------------------------------------------------------------------------------------------------

Ég fór á snjóbretti á fimmtudaginn, ó mæ!! Ég tróð mér í 8 kílóa útiföt og hentist uppí fjall, skíthrædd um að koma ekki heil til baka. Í stuttu máli, þá stóð ég ekki í lappirnar! Ég gat engan veginn stýrt mér og datt á svona 3 metra fresti. Bara á leiðinni frá skálanum og að lyftunni datt ég svona 8 sinnum og í síðasta skiptið hló ég svo mikið að ég gat ekki komið mér af stað aftur, ég bara grét úr hlátri yfir aulaskapnum í mér. Svo fór ég í þessa blessuðu stólalyftu og einhverra hluta vegna, gleymdist að láta mig vita að hún væri svona langt frá jörðu svo ég fékk þvílíkt lofthræðslukast í eitt skiptið sem ég asnaðist til að horfa niður, ekki mitt uppáhalds!
Jæja, ég komst efst í brekkuna og þá hófst ruglið, að reyna að komast niður! Ég komst ekki fet áfram til að byrja með, datt bara endalaust, framm aftur og til hliðar, sennilega aðeins hlægileg sjón .. Þetta kom samt svo smátt og smátt og bráðlega var ég farin að geta rennt mér ágætlega, þó ég hefði enga stjórn á því hvert ég myndi renna og kynni illa að stoppa, svo ef ég var að stefna í vitlausa átt eða var farin að fara of hratt, henti ég mér bara í jörðina. Að lokum komst ég svo alla leið niður og í seinni ferðinni (já, ég fór bara 2 ferðir á einum á og hálfum klukkutíma.. ég vil samt meina að það sé skárra en 1 ferð!) gekk allt miklu betur! Árni og Siggi yfirgáfu mig í smástund og þá gat ég náttúrulega rennt mér þvílíkt mikið, ábyggilega 500 metra og gat meira að segja beygt og alles.. ennnn þá náttúrulega klessti ég á e-a snjóhrúgu og flaug svona 2 metra uppí loftið, í e-n loftkollhnís og lenti í hakkabuffi aftur á jörðinni, það var geðveikt vont því snjórinn var eins og gler!! Þá gafst ég upp og lagðist bara í jörðina og ákvað að hvíla mig og bíða eftir strákunum. Seinni hluti ferðarinnar gekk ekkert vel og ég datt eins og mér væri borgað fyrir það og endaði svo á að renna mér á grindverk Ég akvað að fara bara inní skála og fann svona band sem dregur mann áfram í átt að skálanum og tók í það. Eitthvað var jafnvægið mitt takmarkað því ég FLAUG á hausinn á brettinu og uppskar alveg skítsæmilegan hausverk í kjölfarið.. híhí Ég er semsagt búin að komast að því að snjóbretti er klárlega mín grein og ég ætla að leggja stund á þetta í náinni framtíð.. hahaha! Ég uppskar allavega alveg helling úr þessari ferð, aumt rófubein, 4 marbletti á rassinn, 3 marbletti á hnén, auma úlnliði og harðsperrur í hvern einasta vöðva í líkamanum

ég verð svona næsta fimmtudag, vitiði bara til hahaha

 Jæja, ég læt þetta duga í bili..

Þangað til næst - Bergþóra brettagella

 

Já, ég fór til doksa í gærdag af því að örið varð allt alveg grjóthart og asnalegt eftir að ég gerði örlítið þrek í síðustu viku og mér fannst það ekkert rosalega eðlilegt. Ég hitti á leiðinlegasta og persónuleikalausasta lækni sem ég hef á ævi minni fyrirfundið! Hann sagði að af því að hann vissi ekkert hvað hefði verið gert í aðgerðinni, þá gæti hann ekkert sagt mér, ég ætti bara að hringja í skurðlækninn minn og fá svör hjá honum! Ég persónulega er nú ekkert mjög viss um að hann gæti svarað mér svona í gegnum símann og ekki gæti hann skoðað mig þar sem ég er 450 km í burtu frá honum!.. Ég náði þó að veiða uppúr lækninum að þetta liti ekkert illa út og bólgan gæti verið uppí marga mánuði, sérstaklega ef ég hefði nú rifið eitthvað upp þarna fyrir innan. Hann sagði mér að geyma allt þrek í 2 vikur svo eftir 2 vikur ætla ég að reyna að koma mér á fimleikaæfingu, o gosh!

Ég er byrjuð að þjálfa, sem er bara ótrúlega næs Ég er að aðstoða við að þjálfa 2 strákahópa sem eru mestu krútt í heimi og aðalþjálfarinn þeirra er líka alveg frábær. Ég er mjög sátt og á von á meiri þjálfun svo ég bíð bara spennt.

Ég get ekki neitað því að ég er með netta heimþrá og hlakka ekkert smá til að fara suður í heimsókn, tala nu ekki um í vetarfríinu í skólanum og um páskana, vá hvað ég get ekki beðið! Akureyri er alveg fínasti staður og ég er alveg sátt við skólann, vinnuna og allt það en mér finnst ég engan veginn eiga heima hérna, ekki mitt herbergi, ekki mitt rúm, fjölskyldan mín og vinirnir eru af skornum skammti hérna o.s.frv. Ég er samt alveg jafnspennt fyrir því að fara til DK í sumar og var einmitt að breyta umsókninni minni áðan, þar sem mér var að bjóðast mögulegt húsnæði í Århus í sumar og ég held að það gæti aukið möguleikana mína á jobbi

Ég hentist með bílinn uppá Toyota verkstæði áðan þar sem hann er farinn að gefa frá sér eitthvað geðveikislegt bíb þegar ég keyri hann hægt og e-ð vesen en þeir hristu bara hausinn og vissu ekkert hvað var í gangi og báðu mig um að koma næst þegar að þetta hljóð kæmi. Því miður kemur það yfirleitt bara þegar ég er að rúnta á kvöldin svo ég verð að kíkja á rúnt yfir daginn á morgun eða hinn í von um að þetta hljóð komi hehe..

En ég hef svosem ekkert meira að segja..

Þangað til næst - Bergþóra með heimþrá

alltaf gaman í galtalæk, hehehe.. '04 held ég

ps. ég er að fara í mína fyrstu snjóbrettakennslustund á morgun.. 90% líkur á að ég komi með í gifsi á e-m líkamshluta !!

Ég hata að roðna! Ég þoli ekki tilfinninguna þegar að ég finn að aaaallt blóðið frá nafla og uppúr skýst uppí kinnarnar á mér, hita þær uppí svona 47° og heldur sig svo þar í svona 20 mínútur!

Ég man að þegar ég var yngri, þurfti ekkert til að ég roðnaði, bókstaflega EKKERT! Ef að strákur svo mikið sem heilsaði mér, ef að ég var spurð að e-u þannig að margir heyrðu, ef ég átti að lesa upphátt fyrir bekkinn o.s.frv., ég fór alveg í þvílíka kleinu og varð eins og eldrauð paprika!.. Sem betur fer eltist þetta svolítið af mér og ég er ekki búin að vera vör við þetta uppá síðkastið, fyrr en núna! Núna þegar ég er komin í "ókunnugt umhverfi" þá geri ég ekki annað en að roðna! Ég þurfti t.d. að lesa enskt ljóð fyrir framan bekkinn í ensku í dag og guð minn góður, ég fann bara hvað ég varð eeeeldrauð! Sem betur fer þekkti ég engan þarna svo það gat enginn sagt ,,Hahaha, þú ert ELDRAUÐ!" því þá  roðna ég alltaf meira haha.. Ekki nóg með að ég roðni, heldur verð ég rauð í svona að minnsta kosti 10 mínútur í viðbót, þó ég sé löngu hætt að hugsa um atburðinn .. Ég stefni að því að taka mig rækilega í gegn í þessum málum, þó að það hafi engan veginn tekist hingað til, þá skal það takast núna, ég SKAL hætta að roðna nýja áramótaheitið mitt.. eðikkað..

Svona var ég í ensku í dag og fleiri skipti á þessu ári.. btw, af hverju er ég ekki á listabraut?!

annars er rosalega fátt að frétta af mér? ég er ossa dugleg í ræktinni að hlaupa, og á morgun má ég loksins fara að gera þrek aftur það verður nú aldeilis skemmtilegt, vúhú!... ég er ennþá bókasafnsrotta í frímínútum og í dag fór ég fann eina bók sem ég festist alveg í ! Hún heitir Ótuktin og er eftir Önnu Pálinu, söngkönu. Hún er ekki nema 150 bls svo ég las hana alla áðan eftir skóla og vá, hvað þetta er áhrifamikil bók, ég var alveg klökk!... ég er að fara í klippingu á morgun hjá Tanju og litun og þeir 2 sem ég hef sagt frá því sögðu báðir "Eitthvað fríkí væntanlega?" ooog þar hittu þeir naglann á höfuðið, er búin að vera með "venjulegt" hár í of langan tíma svo á morgun er stefnt að því að lita það rauuuutt eins og Tyra Banks er með, setja e-ð að strípum með og klippa það eitthvað villt og galið ..