..bara not meant to be!

Já, ég, Fjóla, Sólveig og Tanja höfðum planað ferð til spákonu sl. fimmtudag og hlökkuðum mikið til! Okkur var samt held ég ekki ætlað að fara!!

Til að byrja með, þá komst Tanja ekki með, hún var að fara í ökuskólann.. :/ Síðan varð bíllinn minn rafmagnslaus og ég skildi hann eftir heima hjá Fjólu á miðvikudagskvöldið. Í hádeginu á fimmtudeginum ætluðum við Baldur svo að fara að laga þetta en það fór allt í einhverja flækju svo við fórum bara í skólann og ég bað Sigvalda, mann mömmu Fjólu um að gefa mér straum í staðinn. Hann átti ekki startkapla og ætlaði að reyna að hlaða bara bílinn minn en það myndi taka einhverja 2-3 tíma og þá yrðum við 2 tímum og seinar til spákonunnar! Ég brá því á það ráð að biðja Baldur voða fallega hvort ég mætti fá bílinn hans og það var ekkert mál  Svo lentum við í smá árekstri á hans bíl svo að ég gat ekki fengið hans bíl!  Þá fórum við Baldur með startkaplana hans til Sigvalda og hann gaf mér straum, alveg brill! Þó var einn hængur á, ég var á sumardekkjum og hafði ekki tíma til að skipta um dekk! En við ákvaðum að skutlast nú samt í bæinn.
Ég sótti Fjólu og Sólveigu og þegar við vorum að fara að leggja af stað fékk Fjóla símtal sem upplýsti hana um það að hún hefði verið búin að lofa sér í vinnu kl 4 í Leikbæ! Fjóla hafði einhvernveginn gleymt þessu, þrátt fyrir að hafa verið að vinna alla dagana í vikunni! En Fjóla náði, með sinni undarlegu lagni, að redda því, svo við lögðum spenntar af stað
Þegar við vorum komnar í kambana, sáum við, okkur til mikillar hamingju, að það var slabb, snjókoma og mjög lélegt skyggni uppá heiði. Great! Og ég hef aldrei keyrt í snjó, ég fékk bílprófið bara í sumar.
Í byrjum kambanna byrjaði bíllinn örlítið að spóla en ég ákvað að segja stelpunum ekkert frá því, fór í 4.gír. Svo hélt hann áfram að spóla og ég sagði stelpunum það og skipti í 3.ja gír. Þetta var þar sem kambarnir eru tvölfaldir upp og það voru 2 för upp (það var ekkert búin að skafa veginn) og ég fór í förin hægra megin.. það hefði ég ekki átt að gera! Þau för leystust upp og urðu að engu og allt í einu spólaði ég bara eins og kreisí þarna í brekkunni og komst ekkert áfram Ég ákvað að láta bílinn renna aðeins afturábak til að komast uppúr holunni sem ég var búin að gera með spólinu og lenti þá ca meter frá mjög brattri brekku á hægri hönd og vegriðið kláraðist einmitt þar sem ég stoppaði.. Víhú!! Ég er ótrúlega veðurhrædd, hafði aldrei keyrt í snjó, var á sumardekkjum,mvar með stelpur í bílnum og vissi ekkert hvað ég átti að gera, þessi samsetning þýddi bara eitt = emotional breakdown! Ég fór að háskæla!! Fjóla greyið fór í það að hugga mig og hjálpa mér að reyna að losa okkur; ,,Bara gefa lítið bensín og jugga stýrinu" Ég reyndi eftir bestu getu, en rann bara frekar til hægri en vinstri og því alltaf nær og nær bröttu brekkunni! Þegar ég var komin aðeins of óþægilega nálægt, gafst ég upp! Einmitt þá hringdi hún Tanja mín og við sögðum henni að við gætum ekki farið í bæinn því við værum fastar og ehv. Tanja var nú ekki að trúa okkur fyrst, en hringdi svo í pabba sinn og hann kom að sækja okkur Hann er svo mikið yndi! Hann kom eftir ca hálftíma, og á þessu hálftíma sáum við alla umferð stoppast í kömbunum, lögguna keyra amk 3 framhjá fullt af bílum sem voru stopp og útaf án þess að bjóða hjálp (þeir voru að jeppum), bílinn fyrir framan okkur reyna og reyna og reyna að losna, þegar hann loksins náði því, sneri hann við og keyrði útaf hinu megin :/, rútu stoppa, farþegarinir þurftu að fara út að ýta og fullt af bílum fara útaf og inná aftur. Birgir kom svo og sótti okkur og Óskar sem vinnur hjá honum kom með honum, var ca5 sek að losa bílinn minn og keyrði hann heim! Takk æðislega Birgir og Óskar!
Það voru allir svo ótrúlega góðir eitthvað, Baldur, sem ætlaði að lána okkur bílinn, gaurinn sem lenti í áresktrinum við Baldur varð ekkert pirr, sönglaði bara meðan hann var að fylla út tjónaskránna, m&p Tanju mestu yndi í heimi, Birgir að sækja okkur og Karen alltaf að hringja og gá hvort allt væri í lagi, Fjóla yndislegust að sýna ekki hvað hún væri hrædd heldur hugga mig bara , mamma Baldurs, sem kom til okkar í kömbunum og talaði við okkur, spákonan sem tók því bara vel að við kæmust ekki, þrátt fyrir engan fyrirvara, Maríanna systir sem hringdi í mig og tjékkaði á ástandinu og sagði mér að koma beint heim til hennar þegar ég kæmi á Selfoss, að borða .. Allir nema löggan, sem bara keyrði framhjá okkur En þetta var mjög stutt og skrautleg ferð, sem ég vona að ég þurfi ekki að lenda í á næstunni amk.. Allavega fór ég í gær og fékk nagladekk, hehe...

Annars er ég bara á Akureyri núna að hafa það mest kósí og liggja uppí rúmi að lesa, veit ekkert hvort ég nenni að blogga eitthvað um helgina...

Þangað til næst - Bergþóra spólstelpa

Mér finnst drama alveg ótrúlega leiðinlegt. Mér leiðist þegar fólk er að búa til sögur um fólk, bara til að hafa eitthvað að segja og búa þar með til vesen. Ég eigilega skil ekki hvernig fólk hefur samviskuna í það. Maður býr bara ekkert til eitthvað um einhvern vegna þess að manneskjan er kannski ekki í uppáhaldi hjá manni. Mér finnst líka ótrúlega leiðinlegt hvað það fylgir því oft mikið drama að vera unglingur! Ég er búin að lenda í því uppá síðkastið að vera að fá hvert málið á fætur öðru í fangið sem er ekkert nema drama, pirringur og leiðindi. Ég nenni ekkert að vera að koma með einhver dæmi, því þá kemur bara meira drama.
Selfoss er alveg tíbískur drama bær. Ef fólk gleymir að segja hæ þá er það merkilegt með sig. Ef fólk kyssir fleiri en 1 á balli er það hórur. Ef fólk labbar austurveginn þá er það gelgjur. Ef fólk fer í hláturskast þá er það gelgjur. Ef fólk talar eða hlær hátt er það athyglissjúkt.Svo spinnast sögur.. Ef fólk fitnar pínu er það ólétt, ef það grennist er það með anorexíu.. Og svo framvegis og svo framvegis... Þetta getur verið mjög þreytandi til lengdar!

Ég er komin í svo vont skap yfir þessu að ég nenni varla að skrifa lengra.. en jú...

Fór á ball á laugardaginn, sem var ekkert nema gaman Ég bjóst nú ekki við að komast inn þar sem ég er bara smápolla en það var nú ekki erfitt! Þar dansaði ég nánast allan tímann ásamt því að týnast amk 7 sinnum hmm .. Það voru mjög margir á ballinu en þar sem þetta var í svo stóru húsi fann maður ekkert fyrir troðning eða neinu slíku, sem er náttúrulega bara snilld kvöldið endaði svo með sundferð, sem verður ekkert farið nánar útí hér, hohoho

Í gær skellti ég mér svo á Mýrina sem er byggð á bók eftir Arnald Indriðason en Baltasar Kormákur gerði handritið og leikstýrði henni. Mér fannst hún mjög góð af íslenskri mynd að vera! Það er samt alltaf jafn kjánalegt að horfa á svona íslenskar myndir, maður þekkir sjoppurnar sem fólkið fer í og kannast við einn og einn leikara. En allavega, mæli alveg eindregið með þessari mynd!

Nú er ég orðin svo gasalega svöng að ég verð að hætta....
Þangað til næst - Bergþóra dramadrottning!!

Ég er búin að velta svolitlu fyir mér uppá síðkastið, eða eigilega síðustu ár, og ég er alveg að verða vitlaus á að vita ekki svarið við þessari litlu vangaveltu minni.. Þessi vangavelta er voða einföld:

Hvað á ég að verða þegar ég verð stór???

Þegar ég var lítil ætlaði ég að verða flugfreyja, búðarkona, veðurfréttamaður eða læknir.
Ég hef verið búðarkona og ég vona að ég verði það ekki aftur..! Ég hef eigilega misst allan áhuga á veðurfréttamennsku, veit ekki alveg hvers vegna, eins og mér fannst þetta spennandi þegar ég varð yngri. Ég horfði á hvern einasta veðurfréttaþátt, lærði allt um hæðir og lægðir, fór í starfskynningu á veðurfréttastofuna, o.s.frv. o.s.frv... Læknisdraumurinn er líka nokkurveginn farinn fyrir bí. Ég held ég einfaldlega þori ekki að verða læknir. Það er svo rosaleg ábyrgð að sjá um mannslíf og svo eru allir svo á móti læknum, vegna þess að þeir eru alltaf að gera mistök.. Nú eigilega veit ég ekki með flugfreyjudrauminn, hver veit nema ég endi í einhverju svoleiðis eitthvað sumarið, úr því það eru ekki hæðartakmarkanir ennþá Svo er hún nafna mín, Bergþóra Kristín, líka flugfreyja En þetta leysir samt ekki vanda minn... ég hef ekki hugmynd um hvað mig langar að verða!!! Tanja er komin í hárgreiðsluna, Fjóla ætlar að verða leikari og íþróttakennari en ég er bara lítil pulsuvagnastelpa, sem veit ekkert hvað hana langar að læra.. svo mig langar að spurja:

Er eitthvað starf sem þið gætuð séð mig fyrir ykkur í??

Þangað til næst - Bergþóra framtíðarlausa

...ég er ótrúlega léleg að blogga! Ég hef bara eigilega ekki tíma.. En nú kemur það..

Halloween ballið var loksins á föstudaginn eftir mikla og skemmtilega bið. Ég skemmti mér alveg konunglega í Hlíðskjálf, og fannst ballið allt í lagi, það var samt svo alltof mikið af fólki að maður gat ekki einu sinni hreyft sig eða dansað, maður kastaðist bara um á dansgólfinu, það var m.a.s. gaur sem ætlaði að ráðast á mig af því að ég datt á einhverja vinkonu hans aðeins, eeeen Tanja reddaði því... say no more En allavega, ágætisball, dálítið stutt.. en hérna eru e-r myndir..


Margrét, Svanhildur og Sigga

Y0Y0!!

Mjáááw...

Álfar...

Vampire......
Og ég er búin að setja inn nýjustu myndirnar *Halloweenball 2006*

-o-o-o-o-o-

Annars var helgin slök fyrir utan þetta.. Fór á fimleikaæfingu í Gerplu á laugardaginn og það var bara gaman að vanda... um kvöldið var svo vinna og kíkti svo út með Baldri, Stebba, Tanju og Fjólu í bílnum hans Baldurs sem var með bilaða rúðu Hann gat ekki skrúfað hana upp eftir að hann kom í Pulsuvagninn fyrr um kvöldið og það var vægast sagt skítkalt í bílnum.. Hehe.. En það bjargaðist..
Spikkvöld í gær og úff, ég held að við Fjóla höfum aldrei áður fengið okkur svona mikið að éta.. fengum okkur 12" pizzu og 9" hvítlauksbrauð, 2 þrista, 2 staura, 2 twix, 8 karmellur, poka af Godt og Blandt, Kassa af Prins súkkulaðibitum, Poka af appolo lakkrís, poka af grænum sykurrörum, 2 sleikjóa og áreiðanlega eitthvað fleira.. Feitar? Neeee.. Endum sjálfsagt svona..

-o-o-o-o-o-o-

Lag líðandi stundar: REM - Everybody Hurts
Gullkorn líðandi stundar: Vorum í Pulsuvagninum nokkrar að vinna í gær, þar á meðal ég og Auður Rún. Svo var Auður að setja helling af hamborgarabrauðum í grillið og ég spurði hana hvort hún væri með 18 hamborgara eða hvað. Hún hló og sagði: ,,Já, næstum, ég er með helminginn af því, 6 hamborgara!" Bergþóra:,,Auður, helmingurinn af 18 er 9...?" Auður: ,,Æjjj, ég sneri tölunni óvart öfugt í hausnum." 
Minning liðandi stundar: Hehe, ég og Eydís erum í íslensku og ég bað hana um að koma með minningu um okkur og hér er hún: Við vorum einhverntímann í Heiðmörkinni í mömmó eða e-ð og Eydís var með flísteppi ofan á sér. Svo e-a hluta vegna reif ég af henni teppið og það var þvílíkt rafmagn í teppinu og það heyrðust bara svakaleg rafmagnshljóð og blossar og greyið Eydís fékk heljarinnar straum !
Mynd líðandi stundar:

Kiss kiss :*

Þangað til næst - Bergþóra blómálfur

..í nýrri tölvu Já, hann pabbi minn var svo indæll að splæsa á mig nýju dýri þar sem ég var farin að vera of mikið í hans eftir að netið fór í fokk í minni...Mikil hamingja með það.. !

Ég var ekki búin að gleyma að ég væri með blogg, ég bara hafði svo svakalega ritstíflu að ég byrjaði oft að blogga en vissi ekkert hvað ég ætti að skrifa. Sjáum til hvað gerist núna..

Ég fékk hálfgert sjokk í umsjón í skólanum í gær.. Kennarinn sagði okkur að í næstu viku yrði byrjað að huga að miðannarmati.. MIÐ - ANNAR - mati?? Halló? Mér finnst ég nýbyrjuð í skólanum og önnin er strax hálfnuð? Alveg fááááránlegt! Ótrúlegt hvað tíminn er fljótur að líða, mér finnst varla liðinn meira en mánuður síðan Sigga spurði mig hvort ég vildi vinna í Pylsuvagninum í sumar, samt var það einhvern tímann um miðjan apríl. Þegar maður fer að hugsa útí það, þá er alveg ótrúlega stutt í jólin!!

Annars skellti ég mér til Keflavíkur í gær.. Tanju og Birnu vantaði bílstjóra og báðu mig og Fjólu að koma með sér og við vorum alveg til í það.. Reyndar þurftum við að leggja það snemma af stað að við þurftum að stinga af úr stelpuhittingnum sem var hérna heima hjá mér :/ en það reddaðist... Fórum semsagt á Hápunktinn í Keflavík þar sem Veðurguðirnir voru að spila og satt að segja stóðu þeir sig ekki neitt mjög vel.. Ég allavega skemmti mér eigilega betur þegar DJ-inn var En við dönsuðum þar til að verða hálf4 en urðum þá að leggja af stað heim þar sem ég var að fara á fimleikaæfingu og Fjóla að vinna í morgun... Og jahérna hér, ég hef held ég aldrei verið svona þreytt!! Tanja og Fjóla sofnuðu en Birna sem betur fer hélt sér vakandi með mér.. ég drakk 2 magic og át fullt af nammi en engu að síður drógust augnlokin mín alltaf neðar og neðar og það endaði með því að ég þurfti að sitja alveg upprétt í sætinu og með hausinn fyrir ofan stýrið því það var svo þægilegt að sitja í sætinu að ég var alltaf næstum því sofnuð! Enda ekkert stutt leið.. :/ En við komumst þó á leiðarenda, heilar á húfi

Lag líðandi stundar:  Strax - Jóhanna Guðrún
Gullkorn líðandi stundar: Við vorum í bænum um daginn, ég, Kristjana og e-r og vorum á leiðinni á Seltjarnanes eða Laugardalinn? og keyrðum þarna í gegnum vesturbæinn og hjá laugardalnum og þar og það voru allir með svona KR fána. Stelpurnar voru eitthvað mikið að spá í hvort það hefði verið einhver leikur í gangi, það héldu náttúrlega allir með KR þarna. Bergþóra: Ha? Er KR ekki í Breiðholti?? Stelpurnar: Nei, Bergþóra, KR er hérna í vesturbænum bjáni... Bergþóra: Ha?? Ég hélt alltaf að Breiðholt og Vesturbærinn væru það sama!! Hehe.. Þarna kemur kannski útskýring á því af hverju ég rata svona lítið í Rvk!!
Minning líðandi stundar: Þegar ég var veik einhverntímann þegar ég var í ca 4. bekk og fór niður í stofu þegar ég vaknaði og kveikti á útvarpinu og þá var mamma einmitt með þátt í útvarpinu og var einmitt að segja: ,,Svo langar mig að senda batnaðarkveðjur til dóttur minnar, hennar Bergþóru, sem liggur veik heima og kveðjunni fylgir lag sem hún heftur vonandi gaman af." Svo kom lagið Farin með Skítamóral og ég var svoooo stolt að mamma hefði sagt nafnið mitt í útvarpinu..

Myndir líðandi stundar:
Frá því í gærkvöldi þegar við hittumst allar stelpurnar í tilefni af afmæli Hjördísar..

Afmælisgjöfin sem við gáfum henni... BBQ sósa - af því að hún elskar hana, penni og dagbók svo hún geti skrifð leyndó í , upptakari af því að hún ætlar að prufa af drekka næstu helgi í fyrsta skipti, bíll af því að hún var að fá bílpróf, körfubolti af því að hún er körfuboltaakademíu fan nr 1! og Rauðhærði draumaprinsinn hennar, sem hún getur fætt og klætt að eigin vild

Fjóla og Laufey , haha

Ég með kökudeig á nebbanum

Gréta, Guðmunda og Laufey í pósuleik..

og afmælisbarnið á hlið, með kökuna sem við bökuðum..

Þangað til næst - Bergþóra miðannarstelpa